Ginpamilit ni House Majority Leader Sandro Marcos nga lehitimo ro mga kritisismo sa bersyon it Anti-Political Dynasty bill it Kamara, apang ginklaro nana nga raya hay produkto it kompromiso para makabuoe it bastante nga suporta halin sa mga mamalidha.
Suno kay Marcos, base sa konsultasyon sa mga lider it partido, posibleng indi raya ma-pasa kun mas magiging mahugot ro mga probisyon bangud sa mga kongresista hay kaibahan sa mga political dynasty.
Ginklaro man nana nga bukon pa it pinal ro proposisyon bangud ga-agi pa raya sa Senado ag sa bicameral conference committee, kun siin psoible pa nga bag-uhon ro mga probisyon, kaibahan ro istorya sa political succession.
Ginhambae man nana nga uwa pa nana nabasa ro bersyon it Senado, kaya indi pa imaw maka-tao it komento kara.
Ro Anti-Political Dynasty Law hay kaibahan sa priority measures it administrasyong Marcos Jr., ag nagapabilin nga una sa proseso pa it deliberasyon sa Kongreso.
