KALIBO, Aklan—Gintaw-an it punto it Kalibo Municipal Planning and Development Office (MPDO) nga indi eon pwedeng balikan it mga housing recipient it National Housing Authority ro andang dating gina-istaran.
Suno kay Engr. Marlo Villanueva, head it MPDO nga dapat siguraduhon it kada benepisyaryo nga magasunod sanda sa commitment partikular ro pag-guba it andang dating baeay eabi eon ro mga naka-istar sa low-lying areas.
Tuyo sigon kara nga malikawan ro anumang problema engkaso nga makaangkon it kalamidad.
Ginatugyan eon sigon nanda sa barangay ro responsibilidad sa pag-monitor kara.
Sa kamatuoran suno kana hay nagapanikasog ro gobyerno nga buligan ro mga pigadong pamilya nga mataw-an it desinteng baeay.
Gindugang pa ni Engr. Villanueva nga ginatinguhaan eon nanda nga matapos it pagturn over ro mga nabilin pang housing unit sa Brgy. Briones, Kalibo.
