KALIBO, Aklan—Ginatinguhaan it lokal nga gobyerno it Kalibo nga mai-turn over eon sa mga natungdan nga benipisyaryo ro mga housing unit nga proyekto it National Housing Authority (NHA) sa Brgy. Briones, Kalibo.
Suno kay Municipal Planning Coordinator Engr. Marlo Villanueva it LGU-Aklan nga kapin sa 24 ka mga unit eon ro andang nai-turn over.
Raya sigon ro mga indibidwal nga nagsunod ag natapos eon it comply sa mga ginapangayo nga requirements kapareho it supply it kuryente ag tubi kamana man ro commitment nga i-self-demolish ro andang presenteng gina-istaran para masigurado nga magahalin eon sanda sa gintao kanda nga pabaeay.
Apang, matapos sigon nanda nga mai-award ro unit natukiban nanda nga 4 sa mga recipient ro nagpuril ag owa nagsunod sa andang commitment nag mag-self demolish.
Bangud kara, otomatikong na-disqualidfy ro mga raya kung siin nakataeana eon lang nga ipa-raffle ro andang unit sa maabot nga adlaw it Lunes ukon Martes.
Raya sigon nga proyekto it gobyerno hay ginatanyag para sa mga pamilya nga may kaugalingon nga baeay apang nasamad kasunod it pagpanaeasa it bagyong Yolanda ko dag-on 2013.
Sa pihak nga parte, naka-schedule eon man sigon ro andang masunod nga pagturn over sa masobra 100 nga mga housing recipient.
