-- ADVERTISEMENT --
Sangka opisyal it pulitika it Houthis ro nagpahayag nga magapadayon ro grupo sa pag-atake sa Israel bilang pakikibuylog sa mga Palestino, sa pihak it padayon nga pagpasangkad it mga airstrike it Israel sa Yemen.
Suno kay Mohammed al-Bukhaiti “nga pasangkaron nanda ro andang operasyong militar kontra sa Israel” hasta uwa nagapundo ro ginatawag nana nga “genocide sa Gaza.”
Ku Huwebes, binomba it mga eroplanong pandigma it Israel ro paeuparan nga pangkalibutan sa kabisera it Yemen, Sanaa, pati eun man ro mga daungan ag planta it kuryente sa baybayon it Red Sea, nga nagresulta sa pagkamatay it indi magnaba sa ap-at nga katawo.
Nagpaandam man ro Prime Minister it Israel nga si Benjamin Netanyahu nga magiging grabe ro andang sabat.
