KALIBO, Aklan–Ginapasiguro it Provincial Highway Patrol group (HPG)-Aklan nga haum eon sanda sa pagtao it seguridad angot sa ginaeauman nga pagbuhos it mga biyahero makaron nga Semana Santa.
Ginpahayag ni Police Chief Master Sergeant Edmund Apelado, OIC it HPG-Aklan nga nagapadayun ro andang operasyon sa pagpatigayon it anti-carnaping ag highway robbery sa mga nagapangunang daeanon it probinsya.
Sa kamatuoran suno kana hay naglunsar sanda it Police Assistance Center (PAC) sa eastern ag western side it Aklan para magtao it bulig sa mga motorista para masiguro ro kaeuwasan it kada isaea.
Padayon man sigon ro andang pagmonitor sa mga overloaded nga saeakyan kung siin maabu nga mga traffic violators ro andang nadakpan partikular ro owa it suksok nga helmet ag owa it lisensya.
Nagpadumdom man si Apelado sa mga motorista nga siguraduhon nga kompleto ro mga daea nga dokumento para malikawan ro anumang aberya samtang nagabiyahe.
