Kalibo Aklan —–Nagpanawagan ro Highway Patrol Group sa mga L300 van operators and drivers nga likawan eon ro pagparking it andang behikulo sa national road partikular sa may bahin it Roxas Avenue, Kalibo.
Suno kay PSSgt. Joniel Pacifico it HPG-Aklan, pilang buean eon nga ginaclearing ro area ag maabo eon ro andang mga natikitan.
Ginpadumdom man kara ro mga drivers nga indi magtambay sa nasambitang lugar kundi sa anda eamang nga mga designated terminal area.
Aminado sanda nga naga-obstruct sa daeanon ro illegal parking nga ginahimo it mga raya rason nga sigidas ro andang pagbantay makarun kaibahan ro Land Transportation Office (LTO) ag Local Government Unit (LGU).
Samtang, hugot man suno kana nga ginadumilian nga magpick-up it pasahero sa daean ro mga L300 van partikular kon ro anda nga franchise hay for tourist only.
