-- ADVERTISEMENT --

KALIBO, Aklan—Waea-tuo ro ginpatigayon nga checkpoint it mga law enforcement agencies sa nagkaeain-eain nga lugar sa probinsiya it Aklan.

Raya hay kasunod it pormal nga pagpatuman sa pagbutang it protective barrier sa mga motorsiklo bilang requirement para pasugtan ro angkas  sa mga  mag-asawa ukon live-in partner nga naga-iba sa sangka baeay.

Suno kay Police Captain Nathaniel Florendo it Highway Patrol Group ukon HPG-Aklan nga sa unang adlaw it implementasyon hay kapin sa limang ka mga indibidwal ro andang nadakpan.

-- ADVERTISEMENT --

Kaeabanan sigon sa mga raya hay mga magkabarkda ag magpamilya nga sakay it sangka motorsiklo.

Nasayuran nga ro mga madakpan nga naga-eabag sa guidelines it pag-angkas sa motorsiklo hay may penalidad nga multa nga  P1,000 hasta P10,000 umpisa kahapon, Agosto  1.

Pila sa  guidelines nga ginpaguwa it  PNP Directorate for Operations para sa pag-angkas hay  ro pagsuksok it face mask ag helmet ro driver ag angkas sa tanan nga oras samtang nga nagabiyahe.

Daywa eamang ro dapat nga makasakay sa motorsiklo ag dapat nga mag-asawa ukon  mag-live-in sanda  nga naga-istar sa sangka baeay.

Kinahangean nga may daea nga valid IDs ag iba pang dokumento nga magapamatuod nga naga-iba sanda sa sangka baeay.

Dapat may nakabutang nga safety barrier ukon shield sa tunga it  driver ag pasahero.

Sa mga owa nakasuksok it face masks, helmets, ag non-installation it gin aprubahan nga barrier, P1,000 hasta P10,000 ro multa, depende sa kun pilang beses nga nadakpan sa kaparehong offense, in line sa Reckless Driving violation.

Para man sa mga bukon it  otorisado nga mag-back-ride may penalty nga P1,000.

Ag sa mga bukon it  classified nga Authorized Persons Outside Residence (APOR) may multa  man nga  P3,000 pesos bangud sa  pag-drive nga owa it valid license.