KALIBO, Aklan—Nagpatigayun it massive operation ro Highway Patrol Group (HPG) kontra sa mga colorum nga tricycle ag van nga nagabiyahe sa bilog nga probinsya it Aklan.
Suno kay Police Major Nathaniel Florendo, Provincial Officer it HPG-Aklan nga kapin sa lima ka mga colorum nga tricycle ro andang nadakpan ag 3 ka mga van nga owa it nagakaigo nga prangkisa.
Kabulig sigon nanda sa pagbantay ro Land Transportation Offcie (LTO) ag Land Transportation Franchising and Regulatory Board (LTFRB).
Ro nasambit nga tikang hay para sigon maproteksyonan ro kaeuwasan it mga sumaeakay.
Ro mga nadakpan suno kana nga driver hay gina-isyuhan it citation ticket kamana man nga ginaturn over sa LTO ro mga tricycle unit samtang ro mga van hay ginaturn over sa taeatapan it LTFRB.
Sa mga natungdan nga ahensya it gobyerno man suno kana pagabayaran it mga violators ro andang multa.
Angot kara, ginpadumduman man ni Police Major Florendo ro mga motorista nga magsuksok it full face helmet sa pagbyahe sa karsada.
Bukon suno kana it nagakaigo ro pagsuksok it nutshell helmet it mga motorista bangud raya hay para eamang sa mga nagagamit it biseklita.
