KALIBO, Aklan–Magadeploy it tawuhan ro Highway Patrol Group ukon HPG sa mga karsadahon kon siin may maeapit nga eskwelahan may kaangtanan sa andang Ligtas Balik Eskwela nga programa.
Suno kay Police Chief Master Sergeant Edmund Apelado, team leader it HPG Aklan nga ginaeauman eon nga maging masako ro mga nagapangunang daeanon bangud nga balik eon sa eskwelahan ro mga estudyante maskin nga bukon pa it 100 percent ro in person classes sa pareho nga pampubliko ag pribadong eskwelahan sa bilog nga probinsya.
Tuyo sigon nanda kara nga masikyar ro mga motorista eabi eon ro mga estudyante para masiguro ro andang kaeowasan.
May kaangtanan kara, ginpadumdom ni Apelado ro mga drivers eabi eon ro mga estudyante nga may motorsiklo nga siguruhon it mga raya nga antes maghalin sa andang panimaeay hay nakasuksok it helmet, may lisensya ag nakarehistro ro behikulo nga ginamaneho.
