Mas pang nag-eapad ro nagakatabo nga hub-eag protesta sa Iran.
Sa masobra sang dominggo nga pag-engkwentro it mga Iranian police ag anti-government protesters hay naga-abot eon sa masobra 80 katawo ro namatay.
Nag-umpisa ro maeapnagon nga hub-eag protesta sa pagkamatay it 22-anyos nga babaye nga si Mahsa Amini samtang raya hay una sa kustodiya it kapulisan.
Gin-aresto si Amini sa Tehran bangud sa pagsuksok it bukon it angay nga eambong.
Ginpasiguro man it gobyerno nga magalunsar sanda it imbestigasyon bangud sa insidente.
Samtang, ginpasakaan eon man it sanctions it Amerika ro pilang opisyal it Iran bangud sa nasambit nga insidente.
Suno kay Treasury Secretary Janet Yellen nga pitong opisyal ro ginbutang nanda sa sanctions nga ginakaeakipan nanday Mohammad Rostami Cheshmeh Gachi ro nagadumaea sa morality police, Kiyumars Heidari ro army gound forces commander ag Esmail Khatib ro minister of intelligence it Iran.
