CULASI, Antique – Ginpasayod sa taeatapan it Culasi Municipal Police Station nga may sangka hub-eas nga babayi nga nasapwan ku Setyembre 14 sa Sitio Lambangan.
Nasayuran nga ro babayi hay sangka 39-anyos , sangka barangay health worker, may asawa, mga unga ag residente it Brgy. Bitadton, Culasi, Antique.
Pahayag ni Deputy Chief Of Police – PLT Rowen Quimpo Cipriano it Culasi MPS nga kat nakumpirma nga uwa eun it kabuhi ro babayi, nagrequest sanda it extraction of specimen sa babayi ag anda eun lang nga ginahueat ro resulta.
Base man sa post-mortem examination may injury ro babayi sa likod, uyahon, noo ag genitalia nga may hematoma ukon may ginsueod nga kun anong foreign object.
Narekober man sa crime scene ro gamit it biktima kapareho it tsinelas, panty, bra ag eambong.
Nasip-eatan man ro sangka eambong 115 meters halin sa bangkay it biktima ag ginapatihan nga ana it suspek.
Bangud kara, gin-imbitahan sigon nanda ro nasambitan nga person of interest kaibahan ro anang ina ag raya hay nag-aku sa ginhimo nga krimen.
Suno kay Cipriano insigida sanda nga nagpangayo it bulig sa Intergrated Bar of the Philippines, para makahimo ro suspek it judicial confession affidavit ag makaron nga adlaw hay pasakaan it kaso ro 18-anyos nga suspek.
Ginapatihan nga gintabunan ro bibig ag ilong it biktima gamit ro alima it suspek ag kat mawad-an raya it malay hay gindaea sa Sitio Lambangan nga 400 meters it eayo sa baeay it biktima.
Nasayuran nga magkapit baeay eamang ro daywa.
Bangud sa natabo nahueog ro kaso sa rape with homecide.
uno sa panaysayon it mga unga kara nga nag-eaong pa sigon ro babayi nga magabakae it mantika apang uwa eun nakabalik pa ag nasapwan nga uwa eun it kabuhi mga alas-10 it gabei it nasambit man nga petsa.
