KALIBO, Aklan—Hugot nga ginadumilian it Aklan Provincial Police Office ro pagdaea it armas kon owa it may maipakita nga certificate of authority.
Raya ro naging pahayag ni PSSgt. Jane Vega, assistant spokesperson it Aklan PPO, matapos naaresto ro daywa ka mga security guard sa pag-eabag sa gun ban nga ginapatuman it Commission on Elections sandig sa paaeabuton nga Barangay and Sangguniang Kabataan Elections sa Tabon Port, Caticlan, Malay.
Suno kana, pwede sigon kwestyunon ag pasakaan it nagakaigo nga kaso ro mga naga-eabag sa COMELEC gun ban.
Madumduman nga napas-eawan it daywa ka mga security guard nga makapakita it nasambit nga dokumento, rason nga naaresto raya.
Nakumpiska sa mga raya ro daywang ka shotguns ag 9mm pistol nga loaded it mga bala.
Ro daywa hay parehong private security personnel it private security investigation agency nga nakabase sa Mindanao kon sa siin insigida sanda nga gindaea sa taetaapan it pulisya para sa nagakaigong disposisyon.
Ginaeauman naman ni Vega nga magserbe raya nga leksyon sa publiko bangud tuman ka seryoso ro otoridad sa implimentasyon it COMELEC gun ban.
