KALIBO, Aklan—Hugut nga igapatuman ro minimum health protocol sa pakikipagpueong ni President Ferdinand Marcos Jr. sa Filipino community sa anang state visit sa Indonesia.
Suno kay Bombo International Correspondent Marilyn Pangilinan Dolor it Jakarta, Indonesia nga gin-abisuhan sanda it embahada it Pilipinas nga magdaea it negatibong resulta it antigen test antes nga makasueod sa venue.
Nakabaton eon man suno kana ro andang bilog nga pamilya it confirmation notice pinaagi sa email halin sa embahada.
Ginpahayag ni Dolor nga nagbukas ro embahada it online registration portal agud nga makapa-rehistro ro mga interesadong Pilipino.
Sa pihak nga parte, ginaeauman nana nga mapanindugan ni Marcos anang campaign prormise angot sa foreign affairs kun sa siin ginhambae nana nga kaapin ro tanan nga nasyon.
Gusto man nanda nga mapadayun it pangueo ro mga naumpisahan nga programa ag proyekto it nagtaliwan nga duterte administration eabi eon ro para sa kamaeayran it mga OFWs.
Kumpiyansa man sigon sanda nga mapabaskog it uman it anang administrasyon ro agrikultura sa Pilipinas pinaagi sa pagtau it nagakaigo nga suporta sa mga mangunguma kapareho it ginhimo kato it anang ama nga si dating pangueong Ferdinand Marcos Sr.
