KALIBO, Aklan—Hugut nga igapatuman ro ‘No vaccination, no entry’ policy sa mga establisimento, dine-in services, mga parties, tourist attractions ag mga religious gatherings sa bilog nga probinsiya it Aklan.
Suno kay provincial administrator Atty. Selwyn Ibarreta nga raya hay sandig sa Section 2-B it Executive Order No. 001 Series of 2022 ni Aklan Governor Florencio Miraflores sa atubang it paeag it omicron variant it covid 19.
Ginpanaba man sa 30 porsiyento ro ginapasugtan sa indoor capacity samtang 50 porsiyento ro outdoor venue capacity.
Sa pihak nga parte, bawae anay ro mga face to face classes mag-eowas sa dating gin aprubahan it IATF ag office of the president kamana man ro mga contact sports eakip ro bueang ukon cockfighting, pagtililipon sa sueod it baeay nga bukon it magkapamilya ag iba pa.
Ro mga establisimento komersiyal kaman man ro mga tindahan hay ginapasugtan eamang nga mag-operate umpisa alas-5 it agahon hasta alas-8 it gabi-i.
Samtang ro operating hours sa mga establisimento sa Boracay hay umpisa alas 5 it agahon hasta alas-9 it gabi-i.
Sa pihak nga parte, gindugang pa ni Atty. Ibarreta nga madali eon lang nga maabot it aklan ro target nga herd immunity kontra covid 19.
Raya hay matapos nga mabakunahan eon ro haeos 68 porsiyento it target population umpisa nga umarangkada ro vaccination program.
Angot kara, maabu eon man suno kana ro nagapila agud nga makaangkon it booster shot para sa dugang nga proteksyon kontra sa deadly virus.
