NATIONAL News —- Uman nga ginpadumdum it Department of the Interior and Local Government (DILG) ro mga lokal nga gobyerno ag Philippine National Police (PNP) nga hugut nga ipatuman ro minimum public health protocols kontra COVID-19.
Raya hay kasunod it ginaeauman nga pagbuhos it publiko sa nagkaeain-eain nga lugar bakasyunan sa anuman nga parte it nasyon kadungan it pagdumdum it publiko sa Semana Santa.
Suno kay DILG Sec. Eduardo Año, eubus nga importanteng matutukan ro pagpatuman it health protocols agud nga indi maging superspreader event ro mga nakakasa eon nga Holy Week Activities.
Kaibahan eon kara ro padayun nga pagsuksok it facemask eabi eon sa mga pampubliko ag kueob nga mga lugar kamana man ro pirmeng paghugas it alima ag ro physical distancing.
Ginapahueag man it sekretaryo sa mga LGUs ro mga barangay tanod, traffic enforcers, barangay peacekeeping action teams, public safety officers ag iba pang force multipliers agud nga makabulig it pulisya sa pagpatuman it laye ag mga sueundanan.
