Kalibo Aklan ———–Ginkumpirma ni Bombo International Correspondent Jarame Kimo Akiapat nga may nagakatabu nga human trafficking sa Egypt kun sa siin kaibahan sa mga target hay ro mga kababayen-an nga Pilipino.
Suno kana nga ro masubo kara hay nasayuran it gobyerno it pilipinas ro illegal nga kalakaran.
Ginsaysay nana nga ro mga biktima hay gina-recruit anay paagto sa mga gulf countries ag pagkatapos hay ginatabok sanda paagto sa Egypt agud nga magtrabaho bilang mga domestic helper.
Bangud nga illegal ro andang pagsueod sa nasambit nga nasyon, pila sa mga raya hay nakaka-experiensiya it mga pag-abuso partikular ro pagmaltrato sa mga raya, owa pagtau it tamang sweldo ag iba pa.
Owa sigon it domestic hiring sa Egypt bangud nga sambilog man raya sa mga nagapamigado nga nasyon.
Gindugang pa ni Akiapat nga gindangop eon nana ro nasambit nga problema sa natungdan nga ahensiya it gobyerno, apang ginsabat sigon kana nga owa man raya it problema basta nga mag-report sa embahada it pilipinas pag-abot sa Egypt .
Ro insidente suno kana hay owa eon masyadong na-monitor it gobyerno.
