Balitang Espesyal ———-Sangka basketball team sa Hungary ro nagpasikat it andang acrobatics skills kamana man ro andang kamayad sa pagbuyot it bola rason nga nakabasag it Guinness World Record para sa pinakamabuhay nga barani flip bounce-pass relay para sa forward flip slam dunk.
Sa nasambit nga record attempt it Face Team Acrobatic Sports Theater sa Budapest , ginpakita it 34 nga mga players ro andang kamayad sa barani flips gamit ro trampoline .
Ro barani flips hay ro acrobatic move nga kombinasyon it front flip ag 180 degree turn samtang nga ginapasa ro bola sa masunod kana nga player .
Ro ika-35 nga player ro naga perform it front flip ag gina slam dunks ro bola sa ring.
Ginpahayag it nasambit nga team nga puro mayad sa acrobatic basketball ag freestyle dunking ag juggling tricks, nag umpisa sanda nga mag practice para sa world record kat nakansela ro andang mga shows bangud sa COVID-19 pandemic.
Ginpahayag dugang nga pilang buean man ro andang ginkinahangean agud nga makaangkon it koordinasyon ag ma-perfect ro maneuver.
