KALIBO, Aklan—Kumpara ko hurricane Katrina ko 2005 nga masobra sa 1,800 nga katawo ro patay, maswerte nga 6 eamang ro nailistang binawian it kabuhi sa pagpanaeasa it hurricane Ida sa southern United States.
Tatlo ro nailista sa Louisiana nga pinaka-grabeng tinamaan it bagyo, daywa sa Mississippi, ag sambilog sa Maryland.
Suno kay Bombo International Correspondent Greg Aguilar nga kapin sa sang milyon pa nga kabaeayan ro owa pa it power supply samtang nagapabilin nga eumos sa baha ro pilang parte it Louisiana.
Ginatantiya nga 75,000 pa kabaeayan ro naapektuhan man sa Mississippi, Alabama ag Virginia States.
Gindugang pa ni Aguilar nga gin-abisuhan ro mga apektadong residente nga magpabilin sa evacuation center ag indi anay magbalik sa andang kabaeayan samtang owa pa nagbalik ro supply it kuryente.
Ginpaathag kara nga kon owa it power supply hay owa man it clean water ukon malimpyo nga tubi.
