KALIBO, AKLAN — Arestado ro sangka barangay kagawad ag daywang barkada kara bangud sigon sa pagduso it ilegal nga droga sa guwa it sangka videoke house sa Brgy. Tambak, New Washington, Aklan.
Ginkilaea ro mga suspek nga sanday kagawad Audenes Crispino, 35, ag Joey Victoriano, 46, parehong residente it Brgy. Ibao, Lezo ag Danilo Altar, 33 it Brgy. Camanci Sur, Numancia, Aklan.
Gin-aresto ro mga raya matapos nga mabak-ean it ginapatihang shabu gamit ro marked money nga P500.
Mag-eowas kara, narekober pa sa posesyon ag kontrol ni Crispino ro limang iba pang sachet it suspected shabu.
Gin-ako it kagawad nga nagsurender imaw sa Oplan Tokhang ko nagtaliwan nga dag-on ag uwa eon man sigon imaw nagagamit it iligal nga droga matapos magkasakit sa puso.
Samtang, ginpahayag it mga otoridad nga si Crispino hay ginakabig nga high value target ag kaeakip sa drug watchlist it nasambitang banwa.
Ro tatlo hay nagapangatubang sa kasong pag-eabag sa RA 9165 ukon Comprehensive Dangerous Drugs Act of 2002.
