Naging madinaeag-on ro negosyo it sangka makabig nga mangunguma nag naga practice it bag-ong pamaagi sa pag-tanom.
Gumamit it hydroponics farming si Jayson Casuncad kun sa siin, ro ana nga paagi it pag-tanom hay uwa ga kinahangean it eugta kundi naga-tanom imaw sa tubi.
Suno kana nga ro hydroponics hay sangka pamaagi nga pwede ipractice it mga gusto mag-tanom nga uwa it lugar sa andang gina-istaran ukon uwa it matamnan nga eugta. Nag-umpisa sigon imaw sa pag practice kara ku 2021 kun sa siin kasagsagan pa it pandemya. Nakita eang nana ro nasambit nga pamaagi sa social media kun sa siin naging interisado imaw ag gin-tun’an nana raya pinaagi sa pag research.
Ginumpisahan nana sa pet bottles hasta sa nagpaubra eon imaw it greenhouse nga mabutangan it anang tanom nga lettuce.
Napansin ag nakipagbahin man imaw sa Young Farmer’s Challenge kun sa siin nag-daog ro anang negosyo ag nataw’an it cash assistance nga gin-gamit man nana nga pang-upgrade it anang taeamnan.
Dugang pa nana nga mas manami nga i-practice raya bangud sa panyempo makaron, malisod eon mag panananom.
Mensahe man nana sa mga gusto man nga i-practice ro hydroponics farming hay mag-umpisa eang anay sa maisot ag amat-amat eang nga tun-an ag pabahueon ro negosyo.
