Nagapabiling nagapangunang rason it pagkamatay sa nasyon ro ischemic heart disease, suno sa Philippine Statistics Authority, kun siin ginakabig nga nagapangunang rason ro hypertension ukon high blood pressure.
Suno sa Philippine Heart Association, ap-at sa kana napueo nga Pilipino ro may hypertension apang Katunga eamang ro may sayod sa andang kondisyon.
Maabo man ro nalisdan nga makontrol raya bangud sa kakueangan it kasayuran ag limitasyong pinansyal.
Masami nga uwa it sintomas ro hypertension apang posibelng magtuga it seryosong sakit kapareho it atake sa puso ag stroke.
Ginatantyang an-om sa kada napueong pasyenteng ginabueong hay uwa gihapon nakukuhit ro euwas nga blood pressure level.
Ginpunto man ni Health Secretary Teodoro Herbosa ro importansya it daeayon nga bueungan ag tamang konsultasyon, samtang ginlaygayan ro publiko nga pabilinon ro malusog nga pagpangabuhi para malikawan ro komplikasyon.
