KALIBO, Aklan–Padayon ro pagpatigayon it Ibajay Municipal Police Station it nagkaeain-eain nga aktibidad may kaangtanan sa nagahilapit nga National and Local Elections.
Ginpahayag ni PCAPT. Mark Darrel Villanueva, Acting Chief of Police it Ibajay Municipal Police Station nga naghimo eon sanda it contingency plan kaibahan ro Commission on Elections (Comelec) para sa Mayo 9.
Suno pa kay Villanueva nga padayon ro andang hugut nga pag-implementar it COMELEC checkpoint kasunod it ginapatuman nga gun ban kung siin wa pa sigon sanda it mga nadakpan nga nagbayolar sa nasambit nga banning.
Samtang, pagadugangan man sigon it Regional Office ro pwersa it kapulisan para pagabantayan ro kapin sa 32 polling precicnts sa nasambit nga lugar.
Sa pihak nga parte, naghimu ro Ibajay MPS it sangka grupo it kapulisan nga mangin standby force ag magapatrolya sa mga polling centers sa adlaw it eleksyon para masikyar nga mapabilin ro peace and order sa lugar.
