-- ADVERTISEMENT --
Bumisita kay Pangueong Ferdinand “Bongbong” Marcos Jr. sa Malacanang si IBO world champion Dave “Dobermann” Apolinario.
Kasunod raya it kadaeag-an it Filipino boxer kontra kay Gideon Buthelezi via knockout sa East London, South Africa rason para masikyar kara ro titueo, bilang bag-ong IBO world champion.
Si Apolinario hay may record nga 17 daog, owa it piyerde ag 12 kara hay puro knockout.
Samtang, gintamyaw man it Pangueong Marcos si Apolinario nga naga-isaeahanong Pinoy champion makaron sa bilog nga kalibutan.
Sa pihak nga parte, ginregaluhan man it pangueo it commemorative token ro boksingero samtang may pirmang gloves man ro gintao kara sa pangueo.
-- ADVERTISEMENT --
