Bilang sangka estudyante , importante ro pirmeng pag-review.
Ro tamang pag-study hay pauman-uman.
Maskin sin-o hay indi masarangan nga mag-memorize sa sangka pagbasa eamang.
Basahon ro leksyon kada domingo agud nga indi maduea sa isip.
Kun igabutang mo ro imong emosyon ag bilog nga tagipusuon sa pagtuon, siguradong ikaw hay makapasar.
Isipon mo ro kahigayunan nga na inlove ka, naakigan ukon gindayaw ni titser, dibaea masyado mong natandaan ro tanan nga detalye it hitabu.
Raya hay bangud nga may emosyon kato ag naka-ukit eon sa imong utok ag tagipusuon.
Mag study antes nga magkatueog.
Mabahoe nga bagay ro pag study antes nga matueog.
Mas mayad pa gid kon mapanamguhan ro imong leksyon.
Raya hay nagakahueugan nga naga-gana ro imong utok (subconscious mind) para matandaan ro leksiyon.
Maging healthy ag prayerful.
Magkaon it masustansiya, mag exercise , magkatueog it bastante ag magpangamuyo.
Puwedeng magkaon it mani bangud nga makabulig raya sa utok.
May bulig man ro mga omega-3 fish oil supplements ag multivitamins.
