Temporaryong ginsuspinde it International Criminal Court (ICC) si Chief Prosecutor Karim Khan matapos ro mga alegasyon it sexual misconduct.
Suno sa Assembly of States Parties (ASP), nga ginabilog it 21 miyembrong nagadumaea sa ICC, ro suspensyon hay ginpasa sa paagi it qualified majority samtang ginahueat ro pinal nga resulta it imbestigasyon.
Ginklaro it grupo nga uwa raya nagakahueuhan it sintensya ukon konklusyon sa kaso.
Nag-umpisa ro kaso ku 2024 matapos magreklamo ro sangka babayeng empleyado nga naghambae nga imaw hay ginharas ag ginpilit sa bukon it manami nga ueubrahon.
Nauna eon nga nag-leave of absence si Khan ku Mayo 2025 samtang ginapatigayon ro imbestigasyon, ag padayon nanang ginapamalibaran ro pasibangud.
Bangud sa suspensyon, indi anay imaw makabuyot it anumang kaso sa idaeom it anang opisina samtng nagapadayon ro proseso it imbestigasyon.
