Gin-umpisahan eon it International Criminal Court (ICC) ro confirmation of charges hearing agud tumuron kon magaatubang sa full-blown trial si dating Pangueong Rodrigo Duterte angot it anang kontrobersyal nga ‘war on drugs.’
Suno sa mga prosecutor, si Duterte hay responsable sigon sa maabong pagpatay nga ginaangot sa anang anti-drug campaign kat imaw hay presidente it Pilipinas, ag maging kat imaw hay alkalde it Davao City.
Ginhathat it ICC prosecutors ro tatlong nagapangunang akusasyon kontra kay Duterte nga ginaangot sa crimes against humanity:
Count 1: Pagpatay sa sueod ukon palibot it Davao City ko tyempo nga imaw hay alkalde nga ginhimo sigon it ginbansagan nga Davao Death Squad.
Count 2: Pagpatay sa mga ginbansagang “high-value targets” samtang imaw hay presidente it Pilipinas.
Count 3: Pagpatay ag paghana nga pagpatay sa mga operasyon it barangay clearance nga angot it anang national anti-drug campaign.
