Ginpaathag ni International Criminal Court (ICC) chief prosecutor Karim Khan nga sangka crime scene ro Ukraine sa tunga it mga pagsalakay it Russian military.
Raya ro anang naging pahayag matapos nga bisitahon ro mga siyudad it Bucha ag Borodyanka makaron nga dominggo kung siin nadiskubre ro ginatos nga mga bangkay it mga sibilyan sa unang parte it buean it Abril kasunod it naging pag-atras it Russian forces sa naaminhan nga bahin it Ukraine.
Sa sangka statement hay ginpahayag ni Khan nga ginbista nana ro mga nasambit nga lugar bangud sa pagpati nga may natabo nga mga krimen idtu nga una sa idaeom it hurisdiksyon it ICC.
Dugang pa it ICC official nga makikipag-angot sanda sa mga nakaeuwas ag naaywan nga pamilya it mga biktima para tinguhaon nga maitao ro hustisya.
