Ginmanduan it International Criminal Court (ICC) Pre-Trial Chamber I ro prosekusyon nga tapuson ro mga ebidensya angot sa kasong crimes against humanity kontra kay dating Pangueong Rodrigo Duterte bago ukon sa Hulyo 1, 2025 mismo.
Base sa 20-ka panig nga ginpaguwa ko Abril 17, kinahang-ean ieakip it prosekusyon ro tanan nga ebidensyang pagagamiton sa pagpamati it kumpirmasyon it mga kaso, kaibahan ro mga pahayag it mga saksi, andang mga salin, mga ebidensyang pwedeng pumabor sa akusado, ag iba pang dokumento base sa Rule 77 it ICC Rules.
Gin-insister it ICC nga anumang ebidensyang igasumite matapos ro gintaeanang petsa hay inde eon pagbatunon.
Madumduman nga si Duterte hay nagapangatubang sa kasong crimes against humanity bangud sa mga pagapatay sigon nga natabo sa Pilipinas halin Nobyembre 1, 2011 hasta it Marso 16, 2019.
Gin-aresto si Duterte sa Maynila ko Marso 11 matapos nag-abot halin Hong Kong ag presenteng nakakulong sa The Hague.
Tatlong adlaw matapos ro pag-aresto kana hay nag-atubang imaw sa unang pagpamati it ICC para sa kumpirmasyon it mga kaso.
