Ginpamalibaran it Trial Chamber III it International Criminal Court (ICC) ro hinyo it kampo ni dating Pangueong Rodrigo Duterte nga idugang ro “expert verification” sa metadata it mga ebidensyang open-source ag user-generated.
Suno sa Chamber, posible rayang magtuga it uwa ginakinahangean nga pagka-delay sa pag-umpisa it pagbista bangud sa kaabo it ebidensyang ginsumite it prosekusyon.
Ginhinyo it depensa ku Agosto nga bag-uhon ro E-Court Protocol agud matumod kun ro mga nasambit nga ebidensya hay paga-eakipan it report it eksperto.
Ginpahayag it Chamber nga nasolusyunan eon ro mga kabaeaka angot sa kaabo, mga duplicate ag kalidad it ebidensya sa paagi it iba pang mga tikang nga naka-sugtan sa mga status conference.
Ro pagdugang it nasambit nga requirement hay posible man nga mag-kinahangean it dugang nga materyales halin sa prosekusyon antes mausisa it depensa ro ebidensya.
Samtang, gin-aprubahan it Chamber ro hinyo it prosekusyon nga madugang it URL metadata field sa E-Court Protocol. Tuyo kara nga mnadali nga matumod ro URL nga ginhalinan it open-source evidence kat raya hay nakolekta.
Ginmanduan man ro Registry nga isumite ro ginbag-o nga E-Court Protocol sa Oktubre 2, 2026.
