KALIBO, Aklan–Gin-insister it sangka batikan nga abogado sa probinsya it Aklan nga owa it hurisdiksyon nga magpatigayun it imbestigasyon sa Pilipinas ro International Criminal Court (ICC).
Raya ro naging panindugan ni Atty. Harry Sucgang matapos ro uman nga pagpahayag it ICC it kagustuhan nga imbestigahan ro war on drugs it nagtaliwan nga Duterte administration.
Halin sigon ko 2019 hay nag-withdraw eon ro Pilipinas bilang miyembro it ICC rason nga indi nanda mapwersa ro mga natungdan nga ahensya it gobyerno nga makipagbueoligan sa andang igakasa nga imbestigasyon.
Samtang owa sigon gina-surrender it nasyon ro atun nga sovereign rights hay owa sanda it mahimo.
Dugang pa ni Atty. Sucgang nga complementary eamang ro kinamatarong it ICC kamana man nga ro papel eamang kara hay para magbalanse it sitwasyon ag magpuna sa sangka nasyon engkaso nga may sangka lider nga naga-abuso.
