KALIBO, Aklan–Posible gihapon nga makapatigayun it independent investigation ro International Criminal Court (ICC) sa nasyon apisar it hugut nga pagpamalibad it gobyerno nga makipag-kooperar.
Raya ro ginpaathag ni Atty. Harry Sucgang, sangka batikan nga abogado sa probinsya it Aklan kasunod it naging pahayag ko kan-o eamang ni Justice Secretary Crispin Remulla angot sa issue it war on drugs.
Suno kay Atty. Sucgang nga may kinamatarong ro mga opisyal it ICC nga ipadayun ro imbestigasyon bangud natabo ro kaso sa tyempo nga miyembro pa nanda ro Pilipinas.
Buot hambaeon kara, may saeabton gihapon ro nasyon engkaso nga mapamatud-an ro mga reklamo angot sa human rights violation sa ginkasa nga war on drugs sa idaeom it administrasyon ni dating Pangueong Rodrigo Duterte.
Apang, kinahang-ean sigon it ICC nga maggamit it resources agud makabuoe it mapag-on nga ebidensya matapos magpabutyag ro gobyerno it kawad-an it interes nga makipagbueoligan.
