Kalibo Aklan——Ro Iceland ro naga-isaeahanon nga nasyon sa kalibutan nga owa it namok ag nagapabilin raya nga misteryo sa mga eksperto kon ham-an nga owa it nakikitang namok sa nasambit nga nasyon.
Posible sigon nga rason nga owa it namok sa Iceland suno sa pilang scientist hay bangud sa klima sa nasambit nga nasyon nga pirmeng masyadong maeamig .
Pirmeng naga yelo ro temperatura sa Iceland kaysa sa mga kaiping kara nga mga nasyon rason nga owa nataw-an it kahigayunan ro mga namok nga mangitlog.
May mga nagaduda man nga basi nga indi makabuhay ro mga namok sa nasambit nga nasyon hay bangud sa kakaibang chemical composition it eugta ag tubi sa Iceland.
Sa pihak kara, bukon sa gihapon it maeayo nga makaangkon it mga namok sa Iceland sa ulihi nga mga inadlaw bangid sa climate change.
Kapin sa 200 eon ro mga insekto nga naka intiguhan nga mag istar sa Iceland bangud sa pag-init it tiempo ag kon magataas pa ro temperatura hay posibleng magsunod man ro mga namok.
Sa makaron hay sangka namok eamang ro makit-an sa Iceland ag makit-an raya sa Icelandic Institute of Natural History.
Naka-preserba ro insekto sa sangka maisot nga bote it alcohol umpisa pa ko 1980s kun sa siin nadakpan raya kato it sangka scientist sa sueod it eroplano.
