Sa pihak it pagtaas it presyo it baeak-eon sa nasyon, sambilog eon man nga paeas-anon ro paga-atubangon it mga Pilipino.
Raya hay matapos nga ipasaka it Bangko Sentral ng Pilipinas (BSP) ro interest rate cap sa mga transaksyon sa credit card umpisa sa Pebrero.
Suno kay BSP Governor Felipe Medalla, nagpaguwa it resolution no. 55 ko Enero 13 ro Monetary Board it Central Bank nga nagapataas it maximum interest rate ukon finance charge nga 3% nga ginapatong sa owa pa nabayarang outstanding credit card balance it sangka cardholder it 100 basis points.
Raya hay halin sa 2% kada buean ukon 36% kada dag-on.
Ro ginpatuman nga kada buean nga add-on rate nga posibleng sukton it mga credit card issuer sa installment loan hay ginapabilin sa pinakamataas nga rate nga 1%.
Magapabilin man sa P200 pesos ro kada transaksyon it maximum processing fee sa pag-avail it credit card cash advances.
