KALIBO, Aklan—Mabahoe ro pagtao it heaga it mga Amerikano sa ika-20 anyos nga annibersaryo it terrorist attack sa United States kung sa siin eubos nga naapektuhan ro estado it New York.
Suno kay Bombo International Correspondent Mr. David Coloma it New York, USA nga nagpatigayon it simpleng pagdudom ro mga pomoeuyo it New York bilang pagtao it pagkilaea sa mga namatay nga indibidwal bangud sa nasambitan nga insidente.
Mag-euwas sa online activities hay may una sigon nga simpleng programa nga ginhiwat sa ginatawag nga ground zero.
Samtang ginpatigayon man sa 9/11 Memorial ag Museum ro seremonya kung siin ginbasa ro pangaean it mga biktima ag nagpatigayon it moment of silence kaina it agahon.
Maduduman nga kapin sa 3,000 katawo ro namatay kat atakehon it al-Qaeda attackers ro nag-hijack sa ap-at nga commercial airplanes nga ro naging utok hay si Osama bin Laden.
Samtang sa pihak nga parte, ginpahayag man ni Bombo International Correspondent Greg Aguilar it California U.S.A nga grabe ro naging epekto sa mga pomoeuyo umpisa kat natabo ro 9/11 attack.
Maabo sigon ro nahadlok eun ag nakabatyag it pagkahawag bangud owa ginaeauman it tanan nga ma-atake it terrorista ro U.S bangud raya hay ginakabig nga gamhanang nasyon.
