Nagapadayon ro ika-26th Sports Fest it lokal nga gobyerno it Kalibo nga gin-umpisahan ko Setyembre 26 ag magatapos sa Setyembre 30 it presenteng dag-on.
Suno kay Mr. Lenard Cristobal, OIC it human resource department it LGU Kalibo nga ro nasambit nga aktibidad hay may temang: “Transforming Public Service in the Next Decade: Honing Agile and Future-Ready Servant-Heroes”.
Raya hay kaparte it selebrasyon it ika-122nd Philippine Civil Service kon siin dag-unan raya nga ginapatigayon it LGU.
Apang, bangud sa pandemya hay temporaryo raya nga napaiway sa sueod it daywang dag-on.’
Sa makaron nga naghaeoga eon ro restriction hay uman nga ginpatigayon ro programa kon siin makit-an ro mga empleyado nga nagapasakop sa nagkaeain-eain nga ball games.
Tuyo kara nga madevelop sa mga empleyado ro sportmanship, unity ag iba pang pag-inugali bilang kaparte it empleyado it gobyerno.
Samtang, ginpasiguro ni Cristobal nga uwa naapektuhan ro trabaho it mga raya ag nagapadayon ro serbisyo it kada departamento sa munisipyo
