Planong pang paeawigon it gobyerno it sang dominggo ro ika-ap-at nga round it Bayanihan Bakunahan sa mga lugar nga may manaba nga rate it pagbakuna.
Aminado si Health Undersecretary ag National Vaccination Operations Center (NVOC) Chair Myrna Cabotaje nga nabudlayan ro gobyerno nga maangkon ro target nga makabakuna it kapin sa 1.8 milyon nga mga Piipino sa bilog nga nasyon.
Ginasugid nga nagapabilin nga manaba ro output it pagbakuna sa Bangsamoro Autonomous Region in Muslim Mindanao ag Mimaropa nga may 15,000 ag 14,000 nga inoculated eamang sa unang daywang adlaw it inisyatiba.
Ro mga pag-uean ag pagbaha suno kana sa maabu nga lugar sa nasyon ro sambilog sa mga rason kun ham-an nabaeabagan ro pag-adto it mga tawo sa mga vaccination sites ag maging sa house-to-house inoculation it mga vaccinator.
