Nag-abot eon sa Pilipinas ku Agosto 25 ro ikatlong 8-car Electric Multiple Unit trainset nga halin sa Japan para sa North-South Commuter Railway ukon NSCR Malolos-Tutuban segment.
Sa makaron, ginaagi pa raya sa importation process sa Bureau of Customs antes dad-on sa Malanday Depot sa Valenzuela City.
Suno sa Department of Transportation, padayon sa schedule ro konstruksyon it 147-kilometro nga NSCR system nga may 35 istasyon ag magasugpon sa Central Luzon, Metro Manila ag Calabarzon.
Ginpahayag man it ahensya nga gin-usisa it maid-id ro mga trainset ag ro kalidad kara agud masiguro ro seguridad ag maayos nga serbisyo para sa mga pasahero.
Target it DOTr nga maumpisahan ro partial operations it NSCR sa rutang Valenzuela-Malolos sa ikaapat nga quarter it 2027.
Kon makumpleto ro bilog nga sistema, ginapaabot nga maka-serbisyo raya sa kapin 800 mil nga pasahero kada adlaw.
Mapanubo man it proyekto ro oras it biyahe halin Clark, Pampanga paagto sa Calamba, Laguna nga mahimo eang daywang oras halin sa apat ka oras nga biyahe sa presente.
