-- ADVERTISEMENT --
KALIBO, Aklan–Ginpaathag ni Market Supervisor Abel Policarpio nga naging maayos ro ikaywang dominggo it uman nga pagpatigayun it market day sa Toting Reyes Street, Kalibo.
Raya hay matapos nga paboran it lokal nga gobyerno ro hinyu it ambulant vendors association nga makabaligya eon man sa nasambit nga lugar kada Dominggo.
Suno kay Policarpio, amat-amat eon nga naga-abu ro numero it mga ambulant vendors nga gustong magpwesto kada market day.
Strikto man sigon nanda nga ginapatuman ro health and safety protocols partikular ro pagsuksok it face mask ag physical distancing para masiguro ro kaeuwasan it parehong vendor ag bumaeakae.
