-- ADVERTISEMENT --
KALIBO, Aklan–Sangka sunog ro nagtuhaw sa ikaywang panaegan it sangka establisyemento komersyal sa Brgy. Taba-ao, Banga.
Suno kay Arnold Nam-ay, una nana nga napan-uhan ro nagakasunog nga aircon sa ikaywang panaegan it establisyemento.
Nagapakilo sigon sanda it baboy sa guwa kat mapan-uhan kara ro pag-umpisa it kaeayo.
Ro sunog hay madasig nga natapna pinaagi sa pagbueoligan it mga tawo sa lugar.
Nasayuran nga ro idaeom nga porsyon it establisyemento hay nagaserbi nga baealigyaan it bugas ag feeds kamana man nga may galingan sa likod.
-- ADVERTISEMENT --
Sa mayad nga swerte hay owa it nahalitan sa insidente.
Sa makaron hay nagapadayun pa ro imbestigasyon it Bureau of Fire Protection (BFP) sa natabo nga sunog.
