KALIBO, Aklan — Pila sa mga Chinese nationals nga nagatrabaho sa ginapatindog nga hydro-power plant sa Barangay Maria Cristina, Madalag, Aklan hay uwa it nagakaigong dokumento agud magtrabaho sa nasyon.
Sa interview it Bombo Radyo, ginpahayag ni DOLE-Aklan head Carmela Abellar, base sa andang resulta it inspection, sa kabilugang 49 nga Chinese workers sa lugar, lima kanda ro uwa pa it Alien Employment Permit (AEP).
Ro tikang hay kasunod it imbestigasyon it Sangguniang Panlalawigan sa padayon nga pagpabilin sa probinsya it kapin sa 2,000 nga mga overstaying aliens nga kaeabanan hay mga Chinese ag South Korean nga nagatrababo sa Boracay, Kalibo ag iba pang banwa sa Aklan.
Dugang pa ni Abellar nga kon uwa pa it AEP hay dapat nga may ginabuytan nga Special Working Permits halin sa Bureau of Immigration ro sangka dumueoong kon gustong magtrabaho sa nasyon nga indi mag-eampas sa an-om nga buean.
Administrative sanction sigon ro pwede nandang iimponer nga P10,000 nga multa sa kada alien sa kada dag-on nga iligal nga pagpabilin kamana man sa kompaniyang nagbueo kanda.
