Kalibo Aklan——Padayon nga ginatutukan it kapulisan sa Aklan ro illegal gambling operations.
Suno kay P/Capt. Willian Aguirre it Aklan Police Provincial Office (APPO) nga kaeabanan sa mga illegal nga sugae partikular ro illegal cockfighting ukon bueo-bueo hay ginapatigayon pinaagi sa guerilla operations.
Apang ginpasiguro kara nga ro tanan nga mga gina-report kanda nga illegal gambling operations hay insigidang gina-aksyunan ag gina-aresto ag ginakasuhan ro tanan nga mga eakot kara .
Nagasaeampitan sigon sanda pinaagi sa GC ukon group chat.
Suno kay Capt. Aguirre nga sa pagsueod it dag-on 2021 hay ap-at eagi nga operasyon ro andang ginkasa nga ginaeakipan it daywa sa banwa it Kalibo ag tig sambilog sa banwa it Nabas ag Ibajay kun sa siin pilang indibidwal ro naaresto ag natigayon nga makasuhan it pag-eabag sa anti gambling law .
Mag-eowas sa illegal cockfighting operations, ginabantayan man nanda ro mga nagahampang it baraha ag iba pang sugae.
Samtang, gina-validate man sigon nanda ro mga impormasyon nga may pilang mga barangay officials nga eakot ag protector it mga nagapatigayon it illegal gambling operations eabi eon ro bueo-bueo.
Raya hay sa pihak nga pormal eon nga nagbukas ro operasyon it mga lisensiyadong bueangan sa probinsiya.
Nagpaandam man imaw sa mga eakot sa illegal cockfighting nga mag-eowas sa pag-eabag sa illegal gambling law hay magapanabat man sanda sa ginapatuman nga minimum health and safety protocols sa atubang it paeag it COVID-19 pandemic.
