Arestado ro sangka ginang matapos nga nadakpan sa akto nga nagapataya it “bookies” bandang alas 3:50 kahapon sa may bahin it Oyotorong St. Poblacion, Kalibo.
Sa ginpatigayon nga entrapment operation it mga otoridad madinaeag-on nga naaresto ro suspek nga ginkilaea kay Josy Dela Cruz , 50-anyos ag residente it Sitio Talipapa Brgy. Pook, Kalibo.
Suno sa katapo it mga kapulisan, mabuhay eon nandang ginamonitor ro suspek antes nga eubusan nga arestuhon.
Narekober sa posisyon ag kontrol it suspek ro P50 nga marked money, 1/4 nga papel nga nagaserbing resibo ag kabilugang kwarta nga kapin sa P1000.
Sa makaron, sa paghinakop eon it Kalibo Municipal Police Sation si Dela Cruz ag magapangatubang sa kaso nga pag-eabag sa Presidential Decree 1602 it RA 9287 ukon illegal gambling.
