KALIBO, AKLAN – – – Naintercept sa ginpatigayon nga random checkpoint it Balete ag Batan Municipal Police Station ro sangka henno aluminum close van nga may sueod it kapin sa 6, 800 liters it gasolina sa Brgy. Poblacion, Altavas.
Suno kay SPO1 Jose Frigener Decio it Altavas PNP, ro nasambitang van hay ginapanag-iyahan ni Lucia Bermijo ag residente it Brgy. Balucuan, Da-o, Capiz kon sa siin may sueod nga kapin sa 340 plastic gallons it gasolina ag may katumbas raya nga 20 litros ro kada gallon.
Ginpahayag dugang nga ro nasambitang gasolina hay igatransport sa Brgy. Caticlan, Malay apang uwa it nagakaigong dokumento nga ginapakita ro driver ag pahinante it 6 wheeler van.
Kaangot kara, nakahunong sa makaron sa lock-up cell it Altavas PNP Station sanday Robencio Pioquinto, 23-anyos, driver ag Lorenzo Rose Bagallion, 21-anyos, pahinante ag parehong residente it Brgy. Balucuan, Da-o, Capiz bangud sa pag-eabag sa Presidential Decree Number 1865.
Nasayuran nga ro nasambitang mga gasolina hay pagatinge-tingeon sa banwa it Malay nga hugot sa makaron nga gina bawae it Department of Energy.
