KALIBO, Aklan—Amat-amat eon nga ginpahalin ro mga ginakabig nga illegal settlers sa wetland nga sakop it isla it Boracay.
Suno kay Cecile D. Poblador, ecosystem management specialist it Department of Environment and natural resources ukon (DENR-Aklan) nga ro nasambitan nga tikang hay kaparte sigon ginahimo nga kampanya it taeatapan agud nga ma-preserve ro wetland ag indi madueaan it pagkaon ro mga tawo kamana man nga may maistaran ro mga kasapatan.
Madumduman nga ko nagtaliwan nga dag-on hay ginmando it (DENR) ro pagrelocate sa mga illegal wetland settlers sa Boracay.
Ginpatindugan ro mga raya it mga baeay ag tents nga andang temporaryong paga-istaran.
Nauna kara, nagpaguwa man it notice of violation ro DENR sa 51 establisyemento nga parehong subject for closure bangud sa nasambitan nga mando it ahensya.
