BUSINESS News–Gin-umpisahan eon it Bureau of Internal Revenue (BIR) ro pagpatigayon it imbestigasyon sa 2022 Income Tax Returns (ITRs) agud nga maabot ro target nga P2.6-trilyon pesos nga collection makaron nga dag-on.
Bangud kara, ginmandu eon ni BIR Commissioner Romeo D. Lumagui, Jr., sa mga regional directors sa nasyon nga mag-umpisa sa paghatud it Letters of Authority sa mga indibidwal ag business taxpayers.
Suno kay Lumagui, ro focus it nasambit nga audit hay income, value-added, ag withholding taxes nga gin-file ko 2022 ag maskin ko nagtaliwan pa nga mga dinag-on.
Dugang pa it BIR Commisioner nga paga-siguraduhon nana nga pagapapanaugan it nagakaigo nga penalidad ro mga business taxpayers nga madakpan nga nagamanipula it andang financial statements agud nga mabawasan ro andang pagabayarang buwis, ag mapabahoe ro andang kita.
Nauna kara, nagpahayag it kumpiyansa si Lumagui nga makalista it mataas nga tax compliance rate ro nasyon nga sangka indikasyon sigon nga nagabayad it tamang buwis ro publiko.
