National News———–Igapadayun it Kamara hin-aga, Agosto 20, ro andang pagdungog angot sa annual report it Commission on Audit (COA) nga nagadetalye sa nakit-an nandang “deficiencies” sa handling it Department of Health (DOH) sa COVID-19 funds kara.
Nauna eun nga nakataeana makarun nga adlaw, Agosto 19, ro continuation it nasambitang imbestigasyon, apang ginsaylo eamang kahapon it House Committee on Public Accounts.
Raya eun ro ikaywang pagpamati it nasambitang komite, nga gin-umpisahan eamang ko Martes.
Ro Senado hay nagapatigayon man it andang kaugalingon nga imbestigasyon sa kaparehong topiko.
Sa pagpamati ko Martes, naging emosyunal si Health Secretary Francisco Duque III ag gin-engganyo ro COA nga himuon ro trabaho it DOH sa tunga it COVID-19 pandemic.
Suno kay Duque, indi eun sanda makatueog bangud sa pagsamad it COA sa imahe it taeatapan.
Madumduman nga sa nasambitan nga report it COA, natumod ro P67.32 billion nga deficiencies sa COVID-19 reponse fund it DOH ko 2020.
