Eubus nga nagapasaeamat sa gobyerno si Pamplona mayor Janice Degamo sa tikang nga ginhimo para mataw-an it hustisya ro kamatayon it anang mister nga si Negros Oriental governor Roel Degamo.
Suno kana, kinahang-ean nga baskugon nana ro anang boot bangud nga ro anang ginakahadlukan hay base uwa it may magguwa nga tawo ag uwa it madakpan hay magiging sambilog ro gobernador sa mga napatay nga uwa nataw-an it hustisya.
Suno pa sa akalde nga nagaeaum imaw nga mapadaeman pa gid ro imbestigasyon agud nga maklaruhan ro mga nagakinatabo nga krimen sa Negros Oriental.
Samtang, gindayaw man ni mayor Degamo ro Bombo Radyo bangud sa pagtabing sa isyu ag nagpabulig pa raya nga mapamatian it senado nga madaea kanda ro isyu agud sanda mismo ro magapanguna sa imbestigasyon sa mga tawong imbolbado ag sa likod it nasambit nga krimen
