Natapos eon it Forensic Group it Philippine National Police (PNP) ro imbestigasyon sa pagpamaril sa Senado ku Mayo 13 ag ginsumite eon ro report kara sa PNP-CIDG.
Suno kay PNP Forensic Group Director Col. Pierre Paul Carpio, natumod sa andang pag-usisa—gamit ro 3D scanning ag trajectory analysis—nga ro tanan nga tama it bala hay naghalin sa sueod it Senao.
Gin-tugma man ro mga anggulo ag ebidensiya halin sa crime scene.
Gumamit ro SOCO team it “blue box” reconstruction para ipakita ro kabilugan nga layout it lugar it insidente ag ro proseso it crime scene operations.
Sa bueag nga pahayag, ginpaguwa it CIDG ro CCTV footage nga nagapakita sigon nga si suspended Senate Sergeant-at-Arms Mao Aplasca ro unang nagpaeupok, nga ginsundan it pagbaeos it eupok halin sa tawuhan it National Bureau of Investigation.
Matapos ro insidente, temporaryong nagpanaw sa Senado si Senador Ronald “Bato” dela Rosa samtang imaw hay una sa kustodiya angot it arrest warrant halin sa International Criminal Court.
