KALIBO, Aklan — Uman nga maga patigayun it hearing ro senado sa Abril 10 agud matumod ro kaeapad it nahimong accomplishments it inter-agency task force nga nagpanguna sa pagtao it solusyon sa mga problemang gina pangatubang sa isla it Boracay.
Sa interview it Bombo Radyo, gin pahayag ni Senador Nancy Binay, Chairman it Committee on Tourism nga engkasong mabahoe eon ro pinagbag-o it Boracay, posibli sigon nga bastante eon ro an-um nga bueang rehabilitation efforts.
Pagatalakayon nanda sa hearing ro planong pagpatukod it Casino Hotel sa isla sa kabaeaka nga indi eon masarangan it Boracay nga magbaton it mga mabahoe nga proyekto kapareho kara.
Paga sayuron nanda kun siin nga porsyon it isla iga patukod ro casino bangud owa eon sigon it makitang 23 ektarya nga pwedeng butangan kara base sa andang gin patigayung ocular inspection kuMarso 2.
Iga pa-eksplikar sigon nanda sa inquiry ro Philippine Amusement and Gaming Corporation (PAGCOR) hanungod kara.
