KALIBO, Aklan—Ginpaidaeum eun sa swab test ro immediate family it mga pasyenteng nagpositibo sa coronavirus disease ukon COVID-19 maghalin sa Barangay Old Buswang, Kalibo.
Suno kay Barangay kapitan Eduardo Dela Cruz it Barangay Old Buswang, Kalibo nga sa kabilugang ap-at ka mga kaso hay daywang ka mga pasyente eun lang ro andang gina-monitor makarun ag ro daywang iba pa hay naka-recovered eun sa makamaeatay nga sakit.
Tanan man raya hay asymptomatic ag mga health care worker it Aklan provincial hospital.
Nasayuran nga makarun hay ginpaidaeum sa surgical enhanced community quarantine ro nasambitan nga barangay.
Apang kung mag- negatibo eun ro resulta it swab test it mga close contact it mga nasambitan nga pasyente hay intsigida man nga pagaboe-on ro ginapatuman nga lockdown.
Ginpasiguro man kara nga magapadayun ro andang ginahimo nga monitoring sa lugar ag pagtao it ayuda sa mga apektadong residente.
